كشف الفنان يوسف الشريف عن حلم حياته قبل التوجه إلى عالم الفن، فالبداية كانت داخل المستطيل الأخضر وفي ملاعب النادي الأهلي.
وقال يوسف الشريف في برنامج صاحبة السعادة: “أنا كنت مهاجم في ناشئين الأهلي لغاية 19 سنة وبعدها بطلت كورة، كنت دايما بشوف أحلامي كلها في الكورة،”.
وتابع: “أنا سبت الكورة لما الأهلي سابني، في الوقت ده اشتروا لعيبة كتير جدا ومتقيدتش، كان معايا أمير عبد الحميد في فريقي، وقتها حسيت أن العالم انتهى في اليوم ده، كنت بركب مواصلة للتحرير وأمشي كوبري قصر النيل وأنا راجع وقفت على الكوبري وقعدت أعيط وقولت خلاص كده”.
وتابع: “كنت واثق أني أقدر أروح منتخب مصر، فحكاية أني مبقاش موجود في الأهلي دي مستحيلة، فجأة متقيدتش، ساعتها حتة أني اروح نادي تاني قولت لا يا الأهلي يا بلاش وبطلت كورة بطريقة دراماتيكية”.
وأوضح الشريف أن دخوله عالم الفن جاء من خلال أميرة كرارة حيث كانا أصدقاء وجيران وهو من اصطحبه في أول ظهور له من خلال الإعلانات وبعدها جاء التمثيل.
